Diocesan News

ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿ ಆನಿ ಕೊಂಕ್ಣಿ ಪ್ರಚಾರ್ ಸಂಚಾಲನಾನ್ ಮಾಂಡುನ್ ಹಾಡುಲ್ಲ್ಯಾ ಕೊಂಕ್ಣಿ ಜಾಗೃತಿ ಅಭಿಯಾನಾಕ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನಾಚ್ಯಾ ಕೇಂದ್ರಿಕ್ ಸಮಿತಿನ್ ಪಾಟಿಂಬೊ ಭಾಸಾಯ್ಲಾ. ಕೊಂಕ್ಣಿ ಫುಡಾರಾಂತ್ ಉರಾಜೆ ತರ್ ಆಜ್ ಭುರ್ಗ್ಯಾಂನಿ, ಯುವಜಣಾಂನಿ ಕೊಂಕ್ಣಿ ಉಲಯ್ಜೆ, ವಾಚಿಜೆ, ಬರಯ್ಜೆ. ತಾಕಾ ಏಕ್ ಆವ್ಕಾಸ್ ಶಾಳಾಂನಿ ಕೊಂಕ್ಣಿ. ತಶೆಂಚ್ ಯುವಜಣಾಂನಿ ಆಪ್ಲ್ಯಾ  ಮಾಂಯ್ ಭಾಶೆಥಂಯ್  ಅಭಿಮಾನ್ ಪಾವಾಜೆ. ಮಂಗ್ಳುರ್ ಧರ್ಮ್ ಪ್ರಾಂತ್ಯಾನ್ ಸುರು ಥಾವ್ನ್ ಯಿ ಕೊಂಕ್ನಿಕ್ ಪಾಟಿಂಬೊ ದಿಲಾ. ಆಮ್ಚೊ ಭಿಸ್ಪ್ ಸಾಯ್ಬ್ ಯುವ ಜಣಾಂನಿ  ಆಪ್ಲ್ಯಾ ಕಾರ್ಯಾಂನಿ ಕೊಂಕ್ಣಿಚ್ ವಾಪರಿಜೆ ಮ್ಹಣ್ ಉಲೊ ದಿತಾ. ಆಮ್ಚೊ ದಿರೊಕ್ತೊರ್ ಮಾ. ರೊನಾಲ್ಡ್ ಡಿಸೊಜಾ ಯಿ ಕೊಂಕ್ಣೆಕ್ ಪಾಟಿಂಬೊ ದಿತಾ.

ತಶೆಂಚ್ ಪಯ್ಲೆ ಪಾವ್ಟಿಂ 2010 ಇಸ್ವೆಂತ್ ಕೊಂಕ್ಣಿ ಜಾಗೃತಿ ಅಭಿಯಾನ್ ಆಸಾ ಕರ್ತಾನಾ ಐಸಿವೈಎಮ್ ಸಾಂದ್ಯಾಂನಿ ಶಿಂವ್ ಜಾಲೆಂ ಗಾಡಾಂವ್ ವಾಟೆ ನಾಟಕಾಂತ್ ಪಾತ್ರ್ ಘೆತ್ ಲ್ಲೊ.

ಹ್ಯಾ ಅಭಿಯಾನಾಕ್ ಐಸಿವೈಎಮ್ ಕೇಂದ್ರಿಕ್ ಸಮಿತಿ ಪುರ್ತೊ ಪಾಟಿಂಬೊ ದಿತಾ ಮ್ಹಣ್ ಅಧ್ಯಕ್ಷ್ ಶೆಲ್ಡನ್ ಕ್ರಾಸ್ತಾನ್ ಸಾಂಗ್ಲಾಂ. ತಶೆಂಚ್ ಆಪಾಪ್ಲ್ಯಾ ಗಾಂವಾಂನಿ ಅಭಿಯಾನ್ ಜಾತಾನಾ ಥಂಯ್ಚ್ಯಾಯುವಜಣಾಂನಿ ಸಹಕಾರ್ ದೀವ್ನ್ , ಅಭಿಯಾನ್ ಪಳೆಂವ್ಕ್ ತಾಣೆ ಉಲೊ ದಿಲಾ.