Sep 9 : ಐ. ಸಿ. ವೈ. ಎಮ್ ನಾರಾವಿ ಘಟಾಕಾನ್ ಯುವಜಣಾಂಚ್ಯಾ ವರ್ಸಾಕ್ ಲಾಗ್ತಿ ಜಾವ್ನ್ "ಯುವ ಸ್ಪಂಧನ್ -2019" ಕಾರ್ಯೆಂ ಜುಲೈಚ್ಯಾ 21, 2019 ವೆರ್ 10:15 ವೊರಾರ್ ಮದರ್ ತೆರೆಜಾ ಸಭಾಸಾಲಾಂತ್ ಮಾಂಡುನ್ ಹಾಡ್ಲೆಂ. ಸರ್ವ್ ಯುವಜಣಾಂನಿಂ ವಿಶೇಷ್ ಮಾಗ್ಣ್ಯಾಂತ್ ಆನಿ ದೇವ್‍ಸ್ತುತಿಂತ್ ಭಾಗ್ ಘೆತ್ಲೊ.
ಸಾಂದ್ಯಾಂನಿ ಪ್ರಾರ್ಥನಾ ಗೀತಾ ದ್ವಾರಿ ಕಾರ್ಯೆ ಆರಂಭ್ ಕೆಲೆ. ಫಾ| ಸೈಮನ್ ಡಿಸೋಜಾ , ವಿಗಾರ್- ಸಾಂ. ಅಂತೋನಿ ಫಿರ್ಗಜ್ ನಾರಾವಿ, ಫಾ| ಅರುಣ್ ಲೋಬೊ , ಪ್ರಿನ್ಸಿಪಾಲ್ ಸಾಂತ್ ಅಂತೋನಿ ಪಿ. ಯು ಆನಿ ಡಿಗ್ರಿ ಕಾಲೇಜ್ ನಾರಾವಿ , ಫಿರ್ಗಜ್ ಉಪಾಧ್ಯಕ್ಶ್ ಶ್ರೀ ವಿನ್ಸೆಂಟ್ ರೊಡ್ರಿಗೆಸ್ , ಸಂಪನ್ಮೂಲ್ ವ್ಯಕ್ತಿ ಜಾವ್ನ್ - ಶ್ರೀ ನೆಲ್ಸನ್ ಮೊನಿಸ್, ಉಪನ್ಯಾಸಕ್ ಅನುಗ್ರಹ ಕಾಲೇಜ್ ಉಜಿರೆ, ಆನಿ ಐ.ಸಿ.ವೈ. ಎಮ್ ನಾರಾವಿ ಘಟಕಾಚೊ ಅಧ್ಯಕ್ಷ್ ಜೋಯೆಲ್ ರೊಡ್ರಿಗೆಸ್ ಆನಿ ಕಾರ್ಯದರ್ಶಿ ಮೇಲಿಷಾ ಡಿಸೋಜಾ ವೆದಿಚೆರ್ ಹಾಜರ್ ಆಸ್‍ಲ್ಲಿಂ.
.jpg)
.jpg)
.jpg)
.jpg)
.jpg)
ವೆದಿಚೆರ್ ಹಾಜರ್ ಆಸ್‍ಲ್ಲ್ಯಾ ಸಯ್ರ್ಯಾಂನಿ ಕಾರ್ಯಾಕ್ ಸುರ್ವಾತ್ ದಿಲಿ. ವಿಗಾರ್ ಬಾಪ್ ತಶೆಂಚ್ ಫಿರ್ಗಜ್ ಉಪಾಧ್ಯಕ್ಶ್ ಶ್ರೀ ವಿನ್ಸೆಂಟ್ ರೊಡ್ರಿಗಸ್ ಹಾಣಿಂ ಯುವಜಣಾಂಕ್ ಬರೆಂ ಮಾಗ್ಲೆಂ. ಸಂಪನ್ಮೂಲ್ ವ್ಯಕ್ತಿ ಪ್ರೊ| ನೆಲ್ಸನ್ ಮೊನಿಸ್, ಉಜಿರೆ , ಹಾಣಿಂ "ಯುವಜಣಾಂ ಆನಿ ಸೆವಾ" ಮ್ಹಳ್ಯಾ ವಿಷಯಾಚೆರ್ ಶಿಕೊವ್ಣ್ ದಿಲಿಂ.
ಜೋಯೆಲ್ ಡಿಸೋಜಾ ಫಜೀರ್ ಹಾಣಿಂ ಯುವಜಣಾಂಕ್ ಮನೋರಂಜನ್ ಖೆಳ್ ಚಲವ್ನ್ ವೆಲೆಂ. ತಶೆಂಚ್ ಐ.ಸಿ.ವೈ.ಎಮ್. ಸಾಂದ್ಯಾಂನಿ ಮನೋರಂಜನ್ ಕಾರ್ಯಕ್ರಮ್ ಮಾಂಡುನ್ ಹಾಡ್‍ಲ್ಲೆಂ. 2018-19 ವರ್ಸಾಕ್ ಕೇಂದ್ರೀಯ್ ಸಮಿತಿಸೊ ಖಜನ್ದಾರ್ ಜಾವ್ನ್ ಸೆವಾ ದಿಲ್ಲ್ಯಾ ಜೊವೆಲ್ ಫೆರ್ನಾಂಡಿಸ್ ಹಾಚ್ಯಾ ಸೆವೆಕ್ ಅಭಿನಂದನ್ ಪಾಟಾವ್ನ್ ಸನ್ಮಾನ್ ಕಾರ್ಯೆ ಮಾಂಡುನ್ ಹಾಡ್ಲೆಂ.
ಹ್ಯಾ ಕಾರ್ಯಕ್ರಮಾಕ್ 65 ಯುವಜಣಾಂನಿಂ ಸಕ್ರೀಯ್ ರಿತಿನ್ ಭಾಗ್ ಘೆತ್ಲೊ. ಕಾರ್ಯನಿರ್ವಾಹಕ್ ಜಾವ್ನ್ ಜೋಯೆಲ್ ಫೆರ್ನಾಂಡಿಸಾನ್ ಕಾರ್ಯೆ ಚಲವ್ನ್ ವೆಲೆ.
