ಶಿಕ್ಷಕ್ ಆಮ್ಕಾಂ ಜಾಯ್
ಶಿಕಪ್ ಆಮ್ಕಾಂ ಜಾಯ್
ಜಾಣ್ವಾಯ್ ಆಮ್ಕಾಂ ಜಾಯ್
ಫುಡಾರ್ ಆಮ್ಕಾಂ ಜಾಯ್
1. ಇಸ್ಕೊಲಾಂತ್ ಪಾಟ್ ಆಮ್ಕಾಂ, ಶಿಕ್ಷಕ್ ಶಿಕಯ್ತಾತ್
ಆಮ್ಚಿ ಲ್ಹಾನ್ ವಡ್ಲಿ ಚುಕಿ, ತಿಂ ತಿದ್ವಿತಾತ್
ಬರೆಂ ವಾಯ್ಟ್ ಕಿತೆಂ, ತಿಂ ಆಮ್ಕಾಂ ದಾಕಯ್ತಾತ್
ತಾಂಚೆ ವರ್ವಿಂ ಭುರ್ಗಿಂ ಜಿಣ್ಯೆಂತ್, ಸುಫಳ್ ಜಾತಾತ್.
2. ಬಸ್ಲ್ಯಾ ಉಟ್ಲ್ಯಾಕ್ ಅಸ್ಸೈನ್ಮೆಂಟ್, ಭುರ್ಗಿಂ ಮ್ಹಣ್ತಾತ್
ಕೋಪಿ ಬರಯ್ನಾತ್ಲ್ಯಾರ್, ಮಾರ್ ಪೊಡ್ತಾತ್
ಸ್ಫರ್ದ್ಯಾನಿ ಶಿಕ್ಷಕ್ ಆಮ್ಕಾಂ ಪಾಟಿಂಬೊ ದಿತಾತ್
ತಾಂಚೆ ವರ್ವಿಂ ಭುರ್ಗಿಂ ಜಿಣ್ಯೆಂತ್, ಸುಫಳ್ ಜಾತಾತ್.
- ಮಾರ್ವಿನ್ ಫೆರ್ನಾಂಡಿಸ್
ಕೊಂಕ್ಣಿ ಲೇಖನ್ ಆನಿ ಕಾವ್ಯಾ ಬರೋವ್ಪಿ ಮಾರ್ವಿನ್ ಫೆರ್ನಾಂಡಿಸ್ ಗಾವಾಂತ್ ಕಿನ್ನಿಗೋಳಿ ಫಿರ್ಗಜೆಚೊ. ಪ್ರಸ್ತುತ್ ರಿಸರ್ಚ್ ಆನಾಲಿಸ್ಟ್ ಜಾವ್ನ್ ವಾವ್ರ್ ಕರ್ನ್ ಆಸಾ. ವಿಸಾಚಾಕಿ (20) ಅಧಿಕ್ ನಾಟ್ಕುಲೆ ಬರವ್ನ್ ಎದೊಳ್ಚ್ ವಿವಿಧ್ ಸಂದರ್ಭಾರ್ ಖೆಳೆಯ್ಲ್ಯಾತ್.
