July 29, 2017: ಮನೋರಂಜನ್!! ಮನೋರಂಜನ್!! ಮನೋರಂಜನ್!!
"ತಾಲೆಂತಾಚೊ ಪಾವ್ಸ್ 2K17" ಕಾರ್ಯೆಂ ಜುಲೈ ಮಹಿನಾಚ್ಯಾ 23 ತಾರಿಕೆರ್ ಸಾಂಜೆರ್ 4:30 ವರಾರ್ ಸಾಂ. ರಿತಾ ಫಿರ್ಗೆಜೆಚ್ಯಾ ಸಾಲಾಂತ್ ICYM ಸಂಘಚ್ಯಾ ಸಾಂದ್ಯಾಂಚ್ಯಾ ಮುಖೇಲ್ಪಣಾಕಾಲ್ ಚಲೊವ್ನ್ ವೆಲೆ. "ತಾಲೆಂತಾಚೊ ಪಾವ್ಸ್ 2K17" ಹೊ ಸ್ವರ್ಧೊ ಫಿರ್ಗಜೆಗಾರಾಂಕ್ ವಾಡ್ಯಾವಾರ್ ಮಾಂಡುನ್ ಹಾಡ್ಲೆಂ ಜಾವ್ನ್ ಆಸಾ. ಹಾಕಾ ಮುಖ್ಯ್ ಅತಿಥಿ ಜಾವ್ನ್ ಫಿರ್ಗಜೆಚೆ ವಿಗಾರ್ ತಶೆಂಚ್ ICYM ಕಾಸ್ಸಿಯಾ ಘಟಕಾಚೆ ದಿರೊಕ್ತೊರ್ ಮಾ| ಬಾ| ಹೆರಾಲ್ಡ್ ಮಸ್ಕರೇನ್ಹಸ್ ಆನಿ ಮಾನಾಚೆ ಸಯ್ರೆ ಜಾವ್ನ್ ಫಿರ್ಗಜೆಚೆ ವಸ್ತಿ ಯಾಜಕ್ ತಶೆಂಚ್ YCS ಮಂಗ್ಳುರ್ ದಿಯೆಸಿಜೆಚೆ ದಿರೊಕ್ತೊರ್ ಮಾ| ಬಾ| ರುಪೇಶ್ ಮಾಡ್ತಾ ಹಾಜರ್ ಆಸ್ಲೆ. ಹಾಂಕಾಂ ಸಾಂದ್ಯಾಂನಿ ಪುಲಾಂಚೊ ತುರೊ ದೀವ್ನ್ ಸ್ವಾಗತ್ ಕೆಲೊ.
ತಶೆಂಚ್ ಆಮ್ಚೆ ಸಾಂಗಾತಾ ICYM ಕೇಂದ್ರಿಕ್ ಸಮಿತಿ ಮಂಗ್ಳುರ್ ದಿಯೆಸಿಜೆಚೆ ಅಧ್ಯಕ್ಷ್ ಮಾನೆಸ್ತ್ ಎಲ್ರೋಯ್ ಪ್ಯಾಟ್ರಿಕ್ ಸಲ್ಡಾನ್ಹಾ, ಒಮ್ಜುರ್; ಜೆರಾಲ್ ಕಾರ್ಯಾದರ್ಶಿ ಮಾನೆಸ್ತ್ ಜೊಯೆಲ್ ಕೊನ್ಸೆಸೊ, ಮಿಲಾರ್ ಆನಿ ಖಜನ್ದಾರ್ ಮಾನೇಸ್ತ್ ಜೆಸನ್ ಪಿರೇರಾ, ಶಿರ್ತಾಡಿ ಹಾಜರ್ ಆಸ್ಲೆ. ಹಾಂಕಾಂ ವಿಗಾರ್ ಬಾಪಾಂನಿ ಪುಲಾಂಚೊ ತುರೊ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸ್ವಾಗತ್ ಕೆಲೊ. ತಶೆಂಚ್ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಕಾರ್ಯದರ್ಶಿ ಮಾನೆಸ್ತ್ ಜೊಯ್ವಿನ್ ಮಾಡ್ತಾ ಹಾಜರ್ ಅಸ್ಲೆ. ಹಾಂಕಾಂ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೆ ಅಧ್ಯಕ್ಷ್ ಮಾನೆಸ್ತ್ ಫ್ರೆಂಟನ್ ಐರಲ್ ಡಿಸೋಜ ಹಾಂಣಿಂ ಪುಲಾಂಚೊ ತುರೊ ದೀವ್ನ್ ಸ್ವಾಗತ್ ಕೆಲೊ. "ವಂದನ್ ವಂದನ್ ಮೊಗಾಳ್ ಸಾಂ ರಿತಾ" ಮ್ಹಳ್ಳೆಂ ಗೀತ್ ಗಾವುನ್ ಕಾರ್ಯೆಕ್ರಮ್ ಪ್ರಾರಂಭ್ ಕೆಲೆ.
ಫಿರ್ಗಜೆಚ್ಯಾ ಧಾ (10) ವಾಡ್ಯಾಂ ಪೈಕಿ ಹ್ಯಾ ಸ್ಪರ್ಧ್ಯಾಂತ್ ಆಟ್ (8) ವಾಡ್ಯಾನಿಂ ಭಾಗ್ ಘೆತಲ್ಲೊ. ಆಟ್ ವಾಡ್ಯಾಂಕ್ ವಿಭಿನ್ನ್ ನಾಂವಾಂ ದಿಲ್ಲಿಂ. ತಿಂ ಜಾವ್ನ್ ಆಸಾತ್: ವರ್ಗೊ, ಆಕ್ವಾರಿಯಸ್, ಟೊರಸ್, ಕ್ಯಾಪರಿಕಾರ್ನ್, ಜೆಮಿನಿ, ಸ್ಯಾಜಿಟೇರಿಯಸ್, ಪೈಸಸ್, ಸ್ಕೋರ್ಪಿಯೊ. ಹ್ಯಾ ಸ್ಪರ್ಧ್ಯಾಕ್ ವರಯ್ಣಾರ್ ಜಾವ್ನ್ ಶ್ರೀ ಜೊಯೆಲ್ ಮಸ್ಕರೇನ್ಹಸ್, ಮಿಲಾರ್; ಶ್ರೀಮತಿ ಫ್ಲೋರಾ ಕ್ಯಾಸ್ತೆಲೀನೊ ಆನಿ ಶ್ರೀ ಸ್ನೇಹಿತ್ ಲೋಬೊ, ವಾಮಂಜೂರ್ ಆಯಿಲ್ಲೆ. ಹರ್ಯೇಕಾ ವಾಡ್ಯಾಚ್ಯಾ ಪ್ರದರ್ಶನಾ ಉಪ್ರಾಂತ್ ಲಕ್ಕಿ ಡ್ರಾ ಆಸಾ ಕೆಲ್ಲೆಂ. ಒಟ್ಟುಕ್ ನೋವ್ (9) ಲಕ್ಕಿ ಡ್ರಾ ಮಾಂಡುನ್ ಹಾಡ್ಲೆಂ. ನಂತರ್ ಬಂಪರ್ ಟಿಕೆಟಿಚೆ ಡ್ರಾ ಶ್ರೀಮತಿ ವಿವಿಟಾ ಲೋಬೊ, ಫಿರ್ಗಜಿಚಿ ಗೊವ್ಳಿಕ್ ಪರಿಶೆದ್ಚಿ ಕಾರ್ಯಾದರ್ಶಿನ್ ಕೆಲೆ. ವಿಜೇತಾಕ್ ಪಂದ್ರಾ ಕಿಲೊ ದುಕ್ರಾಚೆ ಮಾಸ್ ವಾ ತೀನ್ ಹಜಾರ್ ರುಪಯ್ ನಗದ್ ಬಹುಮಾನ್ ಮ್ಹಣ್ ಘೋಷಿತ್ ಕೆಲ್ಲೆಂ. ವಿಜೇತಾನ್ ನಗದ್ ಬಹುಮಾನ್ ಸ್ವೀಕಾರ್ ಕೆಲೆ.
ನಂತರ್ ಆಯ್ಲ್ಯಾ ವರಯ್ಣಾರಾಂಕ್ ವಿಗಾರ್ ಬಾಪಾನಿಂ ಮಾನಾಚಿ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ತಶೆಂಚ್ ಆಮ್ಚ್ಯಾ ಫಿರ್ಗಜೆಚೆ ICYM ಮಾಚೆ ಸಾಂದೆ ಜಾವ್ನ್ ಆಸ್ಚೆ ಮಾನೆಸ್ತ್ ಫ್ರೆಂಟನ್ ಐರಲ್ ಡಿಸೋಜ ಆನಿ ಕುಮಾರಿ ಸುಷ್ಮಾ ಡಿಸೋಜ ಎಪಿಸ್ಕೋಪಲ್ ಸಿಟಿ ವಾರಾಡ್ಯಾಚೆ ಆಧ್ಯಕ್ಷ್ ಆನಿ ಆಮ್ಚೊ ಯುವಕ್ ಪ್ರತಿನಿಧಿ ಜಾವ್ನ್ ವಿಂಚುನ್ ಆಯ್ಲ್ಯಾಕ್ ತಾಂಕಾಂ ಫುಲಾಂಚೊ ತುರೊ ದೀವ್ನ್ ಮಾನ್ ಕೆಲೊ.
ಅಖೇರಿಕ್ ಸ್ಪರ್ಧ್ಯಾಚ್ಯಾ ವಿಜೇತಾಂಕ್ ಬಹುಮಾನ್ ವಿತರಣ್ ಕೆಲೆ. ಪೊಯ್ಲೆ ಸ್ಥಾನ್ ಜೆಮಿನಿ ಪಂಗಡಾಕ್ ಆನಿ ರನ್ನರ್ಸ್ ಅಪ್ಪ್ ಪೈಸಸ್ ಪಂಗಡಾಕ್ ಫಲಕ್ ಆನಿ ನಗದ್ ಬಹುಮಾನ್ ಜಾವ್ನ್ ದಿಲೆ. ತಶೆಂಚ್ ಚಡಿತ್ ಜಣ್ ಆಸ್ಲ್ಯಾ ಆಕ್ವೆರೀಯಸ್ ಪಂಗಡಾಕ್ ವಿಶೇಷ್ ಬಹುಮಾನ್ ದೀವ್ನ್ ಶಾಭಾಸ್ಕಿ ಪಾಟಯ್ಲಿ.
ಕಾರ್ಯಾಕ್ರಮಾಚ್ಯಾ ಅಖೇರಿಕ್ ಸುಷ್ಮಾ ಡಿಸೋಜ, ICYM ಕಾಸ್ಸಿಯಾ ಘಟಕಾಚಿ ಕಾರ್ಯಾದರ್ಶಿನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.
ಫಿರ್ಗಜ್ ಗಾರಾಂಕ್ ಬೈಲಾ ನಾಸ್ ಆಸಾ ಕೆಲ್ಲೆ ಆನಿ ಕಾರ್ಯಾಕ್ರಮ್ ಅಖೇರ್ ಕೆಲೆಂ.
