News

Nov 22 : ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ತೊಡಂಬಿಲ್ ಘಟಕಾನ್ ನವೆಂಬರ್ 3 2019 ವೆರ್ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂಚೊ ಪಾತ್ರೊನ್ ಸಾಂ ಚಾಲ್ಸ್ರ್ ಬೊರೆಮಿಯೊ ಫೆಸ್ತಾ ಸಂದರ್ಭಿ ಫಿರ್ಗಜೆಂತ್ಲ್ಯಾ ಸರ್ವ್ ಶಿಕ್ಷಕಾಂಕ್ ಸನ್ಮಾನ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಹ್ಯಾ ಕಾರ್ಯಾಕ್ ಮುಖೆಲ್ ಸಯ್ರೆ ಜಾವ್ನ್ ಮಾನಾಧಿಕ್ ಬಾಪ್ ವಿನ್ಸೆಂಟ್ ಸಿಲ್ವೆಸ್ಟರ್ ಡಿಸೋಜ - ಫಾದರ್ ಮುಲ್ಲರ್ಸ್ ಹಾಸ್ಪಿಟಲ್ ತುಂಬೆ ಹಾಚೆ ಆಡಳ್ತೆದಾರ್, ತಶೆಂಚ್ ಬಾಪ್ ಕಿರಣ್ ಪಿಂಟೊ- ಫಿರ್ಗಜ್ ವಿಗಾರ್ ಸಾಂಗಾತಾಚ್ ಕಾರ್ಯದರ್ಶಿ ಆನಿಂ ಐ.ಸಿ.ವೈ.ಎಮ್. ಸಚೇತಕ್ ಜೇಸನ್ ಮೊಂತೇರೊ ಆನಿಂ ಬ್ರದರ್ ನಿಕೇಶ್ ಡಿಸೋಜ ಹಾಜರ್ ಆಸ್ಲೆಂ. ವಿವಿಟ ಡಿಸೋಜಾ ಹಾಣಿಂ ಜಮ್ಲಲ್ಲ್ಯಾಂ ಸರ್ವಾಂಕ್ ಸ್ವಾಗತ್ ಕೆಲೆಂ. ವನಿಶಾ ಮಿರಾಂದ ಹಾಣಿಂ ಜಮ್ಲಲ್ಲ್ಯಾ ಸರ್ವ್ ಶಿಕ್ಷಕಾಂಚಿ ಮಟ್ವ್ಯಾನ್ ಒಳಕ್ ಕರ್ನ್ ದಿಲಿ. ಸರ್ವ್ ಶಿಕ್ಷಕಾಂಕ್ ಮೊಗಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ.

ಫಿರ್ಗಜ್ ಯಾಜಕ್ ತಶೆಂಚ್ ಇಸ್ಕೊಲಾಚೆ ಪ್ರಿನ್ಸಿಪಾಲ್ ಜಾವ್ನ್ ಅನುಭವ್ ಆಸ್ಚೆಂ ಆಮ್ಚೆಂ ವಿಗಾರ್ ಬಾಪ್ ಫಾ| ಕಿರಣ್ ಪಿಂಟೊ ಹಾಣಿಂ ಆಪ್ಲೊ ಸಂದೇಶ್ ತಶೆಂಚ್ ಏಕ್ ಶಿಕ್ಷಕ್ ಜಾವ್ನ್ ಆಪ್ಲೊ ಅನುಭವ್ ವಾಂಟುನ್ ಘೆತ್ಲೊ. ಹ್ಯಾ ಕಾರ್ಯಾಕ್ ಒಟ್ಟುಕ್ 20 ಶಿಕ್ಷಕಾಂ ಹಾಜರ್ ಆಸ್ಲಿಂ ವಿನುಶ ಮೊಂತೆರೊ ಹಾಣಿಂ ಧನ್ಯವಾದ ಸವೆಂ ಕಾರ್ಯೆಂ ಅಕೇರ್ ಕೆಲೆಂ. ನೊವಿಶ ಮೊಂತೇರೊ ಹಾಣಿಂ ಕಾರ್ಯೆಂ ನಿರ್ವಹಣ್ ಕೆಲೆಂ.