ಐ.ಸಿ.ವೈ.ಎಮ್. ಪಿ.ವೈ.ಸಿ. ಗುರ್ಪುರ್ ಘಟಕ್ ತಶೆಂಚ್ ಮಾಂಡ್ ಸೊಭಾಣ್ ಸಂಘಟನಾಂಚ್ಯಾ ಜೋಡ್ ಆಸ್ರ್ಯಾಖಾಲ್ 2019 ಜುಲಾಯ್ 27 ಆನಿ 28 ತಾರಿಕೆರ್ ಗುರ್ಪುರ್ ಇಗರ್ಜೆಚ್ಯಾ ಸಭಾಸಾಲಾಂತ್ ಕೊಂಕ್ಣಿ ಸಾಂಪ್ರದಾಯಿಕ್ ಪದಾಂಚೆಂ ತರ್ಬೆತಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ .
ಗುರ್ಪುರ್ ಪೊಂಪೈ ಮಾಯೆಚ್ಯಾ ಫಿರ್ಗಜೆಚೊ ವಿಗಾರ್ ಮಾ. ಬಾ. ಆಂಟನಿ ಲೋಬೊ ಹಾಣಿಂ ಕಾರ್ಯಾಚೆರ್ ಬೆಸಾಂವ್ ಮಾಗ್ಲೆಂ.ಚಡುಣೆಂ 100 ಲೊಕಾಂಚ್ಯಾ ಹಾಜರ್ಪಣಾಖಾಲ್ ಕಾರ್ಯಾಕ್ ಬರಿ ಸುರ್ವಾತ್ ಲಾಭ್ಲಿ . ಪ್ರಮುಖ್ ತರ್ಬೆತ್ ದಾರ್ ಜಾವ್ನ್ ಬಾಬ್ ಎರಿಕ್ ಒಝೇರಿಯೊ ಹಾಣಿಂ ದೋನ್ ದಿಸಾಂನಿ 67 ಪದಾಂ ಶಿಕಯ್ಲಿಂ. ಜೊಯ್ಸ್ ಒಝೇರಿಯೊ, ಎಲ್ರೊನ್ ರೊಡ್ರಿಗಸ್, ಜೇಸನ್ ಲೋಬೊ ಆನಿ ಕಿಂಗ್ಸ್ ಲೀ ನಜ್ರೆತ್ ಹಾಣಿಂ ತರ್ಬೆತೆಂತ್ ಸಾಂಗಾತ್ ದಿಲೊ.
.jpg)
.jpg)
.jpg)
.jpg)
.jpg)
.jpg)
ಕಾರ್ಯಾಗಾರಾಂತ್ ಮಾಂಡೆ, ಗುಮ್ಟಾಂ ಪದಾಂ, ದೆಖ್ಣಿ, ದುಲ್ಪದಾಂ, ವೇರ್ಸ್, ಬಾಳ್ ಗಿತಾಂ ಆನಿ ಗಾಣಿಂ ಶಿಕ್ಲಲ್ಯಾಂಕ್ ಸಮಾರೋಪ್ ಕಾರ್ಯಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ರಿಚಾರ್ಡ್ ಫೆರ್ನಾಂಡಿಸ್ ಹಾಣಿಂ ಪ್ರಮಾಣ್ ಪತ್ರಾಂ ದಿಲಿಂ.
ಪಿ.ವೈ.ಸಿ ಸಚೇತಕ್ ಜೆಫ್ರಿಯನ್ ತಾವ್ರೊ, ಅಧ್ಯಕ್ಷ್ ಜೈಸನ್ ಸಿಕ್ವೇರಾ ಆನಿ ಕಾರ್ಯದರ್ಶಿ ಆನ್ಸಿಲ್ಲಾ ಪಿಂಟೊ ವೆದಿರ್ ಹಾಜರ್ ಆಸ್ಲಲಿಂ.
