ಬೊರಿಮಾರ್, ಜು;20: ಹೆರ್ ಭಾಸಾಂಕ್ ಆಮಿ ಗಮನ್ ದಿತಾಂವ್, ತರ್ ಕೊಂಕ್ಣಿ ಮಾಯೆಚಿ ಭುರ್ಗಿಂ ಜಾವ್ನಾಸ್ಚ್ಯಾ ಆಮಿ ಆಜ್ ಕೊಂಕ್ಣಿ ಬಾಶೆಕೀ ಚಡಿತ್ ಗಮನ್ ದಿಂವ್ಚೆ ಗರ್ಜೆಚೆಂ ಆನಿ ಹೆಂ ಆಮ್ಚೆ ಕರ್ತವ್ಯ್, ಮ್ಹಣ್ ಸಾಂ. ಜುಜೆ ಫಿರ್ಗಜ್, ಬೊರಿಮಾರ್ಚೆ ವಿಗಾರ್ ಆನಿ ICYM ಘಟಕ್ ಬೊರಿಮಾರ್ ಹಾಚೆ ದಿರೆಕ್ತೊರ್ ಜಾವ್ನಾಸ್ಚ್ಯಾ ಫಾ.ಮೆಲ್ವಿನ್ ನೊರೊನ್ಹಾ ಹಾಣಿಂ ತಿಳ್ಸಿಲೆಂ.
ICYM ಘಟಕ್ ಬೊರಿಮಾರ್ ಹಾಚಾ ಮುಖೆಲ್ಪಣಾಖಾಲ್ ಮಾಂಡುನ್ ಹಾಡ್‍ಲ್ಲ್ಯಾ ಕರ್ನಾಟಕ ಮಂಗ್ಳುರಿ ಕೊಂಕಣಿ ಸಂಸ್ಥೊ(ಕೆಮಿಕ್) ಚೆಂ ಮಾಹೆತ್ ಶಿಬಿರ್ ಉದ್ಘಾಟನ್ ಕರ್ನ್ ಉಲಯ್ಲ್ಯಾ ಹಾಣಿಂ ಕೊಂಕ್ಣಿ ಭಾಸ್ ದೇವನಾಗರಿ ಭಾಶೆಕ್ ಲಾಗ್ಶಿಲಿ ತರೀ ಕರ್ನಾಟಕಾಂತ್ ತಿ ಬೊರೊಂವ್ಕ್ ಆಮಿ ದ್ರಾವಿಡ ಲಿಪಿ ವಾಪರ್ತಾಂವ್, ತ್ಯಾ ದೆಕುನ್ ಕೊಂಕ್ಣಿ ಕಷ್ಟ್ ಮ್ಹಣ್ ಭೊಗ್ತಾ. ಪೂಣ್ ಆಜ್‍ಕಾಲ್ ಘರಾಂನಿಂ ಕೊಂಕ್ಣಿ ಭಾಶೆಂತ್ ಸಬಾರ್ ಬೂಕ್ ಯೆತಾತ್ ಹೆ ಆಮಿ ಗಮನ್ ದೀವ್ನ್ ವಾಚ್ಲ್ಯಾರ್ ಕೊಂಕ್ಣಿ ಭಾಸ್ ಸುಲಭಾಯೆನ್ ಶಿಕೊಂಕ್ ಸಾದ್ಯ್, ಹ್ಯಾ ದಿಶೆನ್ ವ್ಹಡಿಲಾಂನಿ ಭುಗ್ರ್ಯಾಂಕ್ ಪ್ರೊತ್ಸಾಹ್ ದಿಂವ್ವೊ ಅತಿ ಗರ್ಜ್ ಮ್ಹಣ್ ಕಳಯ್ಲೆಂ.
ಮಾಹೆತ್‍ದಾರ್ ಜಾವ್ನ್ ಆಯ್‍ಲ್ಲ್ಯಾ ಕರ್ನಾಟಕ ಮಂಗ್ಳುರಿ ಕೊಂಕಣಿ ಸಂಸ್ಥೊ(ಕೆಮಿಕ್) ಚೆ ಕಾರ್ಯಕಾರಿ ನಿರ್ದೇಶಕ್, ಪ್ರೇಮ್ ಕುಮಾರ್ ಪುತ್ತೂರ್, ಹಾಣೆ ಉಲೊವ್ನ್ ಲಿಪಿ ಖಯ್ಚ್ಯಾಯ್ ಭಾಶೆಕ್ ಸೀಮಿತ್ ನ್ಹಂಯ್, ಕಸಲ್‍ಯೀ ಲಿಪಿ ವಾಪಾರ್ನ್ ಆಮಿ ತಿ ಬೊರೊಂವ್ಕ ಸಾಧ್ಯ್ ಆಸಾ, ತಶೆಂಚ್ ಹಿ ಖಂಯ್ಚ್ಯಾಯ್ ಪ್ರದೇಶಕ್ ಸೀಮಿತ್ ನ್ಹಂಯ್, ಆಜ್‍ಕಾಲ್ ಹೆರ್ ದೇಶಾಂನಿ ಕೊಂಕ್ಣಿ ವಿಸ್ತಾರ್ಲ್ಯಾ ಭವಿಷ್ಯಾಂತ್ ಹಿ ಉರಜಯ್ ತರ್ ವ್ಹಡಿಲಾಂನಿ ಭುಗ್ರ್ಯಾಂಕ್ ಕೊಂಕ್ಣಿ ಭಾಶೆಚೊ ಮೋಗ್ ಕರುಂಕ್ ತಶೆಂಚ್ ತಿ ಸಾರ್ಕ್ಯಾ ರಿತಿನ್ ಶಿಕೊಂಕ್ ಆನಿ ವಾಪಾರುಂಕ್ ಪ್ರೇರಣ್ ದಿಂವ್ಚೆ ಅತಿ ಮುಖ್ಯ್ ಮ್ಹಣ್ ತಿಳ್ಸಿಲೆಂ.
ಕೊಂಕ್ಣಿ ಭಾಸ್ ಉರಜಯ್ ಮ್ಹಳ್ಳ್ಯಾ ಉದ್ದೇಶಾನ್ ಕರ್ನಾಟಕ ಮಂಗ್ಳುರಿ ಕೊಂಕಣಿ ಸಂಸ್ಥೊ (ಕೆಮಿಕ್) ಸ್ಥಾಪನ್ ಕೆಲಾ. ಹಾಚೊ ಸದುಪಯೋಗ್ ಕರ್ನ್ ಕೊಂಕ್ಣಿ ಭಾಸ್ ಉರೊಂವ್ಚೆ ಕಾಮ್ ಭುಗ್ರ್ಯಾಂನಿ ಕರಿಜಯ್ ಮ್ಹಣ್ ತಾಣೆಂ ಉಲೊ ದಿಲೊ. ತಶಂಚ್ ಹ್ಯಾ ಸಂಸ್ಥ್ಯಾನ್ ಚಲೊಂವ್ಚ್ಯಾ ಪರೀಕ್ಷೆ ವಿಷ್ಯಾಂತ್‍ಯೀ ಮಾಹೆತ್ ದಿಲಿ.
ICYM ಘಟಕಾಚ್ಯಾ ಅಧ್ಯಕ್ಷ್ ಲ್ಯಾನ್ವಿ ಪಿರೇರಾನ್ ಸ್ವಾಗತ್ ಕರ್ನ್, ಕಾರ್ಯದರ್ಶಿ ಪ್ರಿಯಾ ಲಸ್ರಾದೊನ್ ಧನ್ಯವಾದ್ ಪಾಟಯ್ಲೆಂ. ಪ್ರೆಸಿಲ್ಲಾ ಒಲಿವಿಯಾ ಡಾಯಸ್’ನ್ ಕಾರ್ಯಕ್ರಮ್ ನಿರ್ವಹಣ್ ಕೆಲೆಂ.
Report By: Precilla Olivia Dias, Borimar
