ಮೌನ್ ಮೊಗ್
ಅಂತ್ಯ್ ನಾತ್ಲೆಲೆ ಮೌನ್ ಗೊ ತುಂ
ಕಶೆಂ ಸಮ್ಜೊ ತುಕಾ ಹಾಂವ್
ಯಾ ಕುಡಿಚೊ ಸ್ವಾಸ್ ಗೊ ತುಂ
ಕಶೆಂ ಜಿಯೊಂ ತುಜೆ ವಿಣೆಂ ಹಾಂವ್
ಫುಲೊಂವ್ನ್ ಯೆಂವ್ಚೊ ಬೊಂಗೊ ಗೊ ತುಂ
ಸರ್ವಾಂಕ್ ಸೊಬ್ತಾ ತುಜಿ ತಿ ಸೊಭಾಯ್
ಎಕಾ ತರಾಚಿ ಭಿರಾಂತ್ ಮಾಕಾ
ಕೊಣೀ ತುಕಾ ಕಿಮ್ಸುನ್ ವೊರಿತ್ ಗಾಯ್
ಅಮಾಸೆಚಾ ರಾತಿಚೆಂ ಚಾನ್ನೆಂ ತುಂ
ಕಳಿತ್ ನಾ ತುಕಾ ತುಜೊ ಪ್ರಕಾಸ್
ವಿಚಾರ್ನ್ ಪಳೆ ಕಾಳ್ಕೆ ರಾತಿಲಾಗಿಂ
ಕಳಿತ್ ಜಾತೆಲೆಂ ತುಜೆಂ ಮೊಲ್
ದರ್ಯಾ ತಡಿಕ್ ಮಾರ್ನ್ ವೆಚೆಂ ಲಾರ್ ತುಂ
ತುಜ್ಯಾ ಸ್ಪರ್ಶಾಕ್ ರಾಕೊನ್ ಆಸಾಂ
ಅಪ್ಡೊಂವ್ನ್ ಮಾಕಾ ಗೆಲೆಂಯ್ ಪಾಟಿಂ
ಪರತ್ ಯೆತೆಲೆಂಯ್ ಮಣ್ ರಾಕೊನ್ ಆಸಾಂ
- ರಿಕ್ಕು ಕಿರೆಂ
‘ರಿಕ್ಕು ಕಿರೆಂ’ ಮ್ಹಳ್ಯಾ ಲಿಖ್ಣೆಂ ನಾಂವಾಖಾಲ್ ಕಾವ್ಯಾ ಪ್ರಗಟ್ ಕರ್ಚೊ ರಿಕ್ಸನ್ ರೊಡ್ರಿಗಸ್, ಕಿನ್ನಿಗೋಳಿ ವಾರಾಡ್ಯಾಚ್ಯಾ ಕಿರೆಂ ಫಿರ್ಗಜಿಚೊ ಏಕ್ ಉದೆವ್ನ್ ಯೆಂವ್ಚೊ ಯುವ ಮುಖೆಲಿ. ಆಪ್ಲಿ ಎಮ್. ಎಸ್ಸಿ ಎಲೆಕ್ಟ್ರೊನಿಕ್ಸ್ ಶಿಕಾಪ್ ಸಂಪೊವ್ನ್, ಪ್ರಸ್ತುತ್ ಬೆಂಗ್ಳುರ್ಚಾ ಒಲಂಪಿಯಾ ಸ್ಪೋಟ್ಸ್ ಆಂಡ್ ಇವೆಂಟ್ಸ್ ಕಂಪೆನಿಂತ್ ತೊ ವಾವ್ರ್ ಕರ್ನ್ ಆಸಾ. ತೊ ಏಕ್ ದೆಣ್ಯಾವಂತ್ ಯುವಕ್ ಜಾವ್ನಾಸೊನ್ ಕವನಾಂ ಬರೊಂವ್ಚಿ ವಿಶೇಷ್ ಆಸಕ್ತ್ ತಾಕಾ ಆಸಾ.
