ಹಾಂವ್ ದುಬ್ಳೊ ಖಾಲಿ ಗೊಬ್ಳೊ
ಹಾಂವ್ ದುಬ್ಳೊ ಖಾಲಿ ಗೊಬ್ಳೊ
ಉಡಾಸ್ ಯೆತಾ ತೊ ದೀಸ್
ಚಿಂತುನ್ ಹಾಂವೆ ಸಮ್ಕಾಲ್ಲಿಂ ತಿಂ ಮೆಟಾಂ
ಕರ್ಕಟ್ಯಾ ತ್ಯಾ ವೊತಾಕ್ ಮೊರ್ಕೋಟ್ಯಾ ತ್ಯಾ ಮತರ್ಯಾಕ್
ಹಾಂವೆ ದಿಲ್ಲೆಂ ಫಕತ್ ಏಕ್ ನಾಣೆಂ
ತ್ಯಾ ಎಕ್‍ಚ್ ಏಕ್ ನಾಣ್ಯಾ ಖಾತಿರ್ ಸಾಕಾಳಿಂ ಥಾವ್ನ್
ಸಾಂಜೆರ್ ಪರ್ಯಾಂತ್ ಹಾಂವೆ ಮ್ಹುಜಿಂ ಮೆಟಾಂ ಜರಯ್ಲಿಂ.
ವಸ್ತುರ್ ಮ್ಹಜೆಂ ಪಿಂದ್‍ಲ್ಲೆ ತರೀ, ವರ್ತಿ ಗ್ರೇಸ್ತ್‍ಕಾಯ್ ಮ್ಹಜೆಕಡೆ ಆಸ್ಲಿ
ದಿಂವ್ಚ್ಯಾಂತ್ ಉಕುಲ್ಲೊ ಹಾತ್ ತರಿ, ಹಾತಾಕ್ ಏಕ್ ಪಿಂದುಲ್ಲೊ ನೋಟ್ ಪೆÇಡ್ಲ್ಯಾರಿ
ಮುಟ್ ಮಾರ್ಚಿ ಸಕತ್ ಮುಜೆಕಡೆ ನಾತ್ಲಿ.
ತೊ ಕಿತೆಂ ಜಾಣಾಂ ಮ್ಹುಜಿ ಕಥಾ, ಸಕಾಳಿಂ ಥಾವ್ನ್ ಸಂಜೆ ಪರಿಯಾಂತ್
ಸೆನ್ ಸಾವ್ಳಿ ಮ್ಹಜೆ ಥಂಯ್ ಮಾತ್ ಅಸ್ಲಿ
ಅಕೆರಿಕ್ ಮೆಳ್ಳೊ ಮ್ಹಾಕಾ ಏಕ್ ಭಾಗೆವಂತ್
ತಾಣೆಂಯ್ ಮ್ಹಜೆ ಭರಿತ್ತ್ ಉದಾರೆ ಕೆಲ್ಲೆ ಹಾತ್
ತೆದ್ನಾ ಮ್ಹಜೆ ಹಾತ್ ಪೆÇಡ್ಲೆ ವೊಮ್ತೆ
ಆಸ್‍ಲ್ಲೆಂ ತೆಂ ಏಕ್ ನಾಣೆಂ ಪುಣ್ ಅತಾಂ ತೆಂ ನಪಂಯ್ಸ್ ಜಾಲ್ಲೆಂ.
ತೊಯೀ ಮ್ಹಜೆ ಬರಿ ಮಾಗ್ತಾಲೊ
ತೊ ಕಿತೆಂ ಜಾಣಾಂ ಹಾಂವ್ ತಾಕಾ ನೆಣಾಂ
ದಿಲ್ಲೆಂ ತೆ ದೀವ್ನ್ ಜಾಲಾಂ
ಆತಾಂ ಹಾಂವೀ ದುಬ್ಳೊ
ತೊ ಮ್ಹಜೆ ಖಾತಿರ್ ಜಾಲೊ ಭರಲ್ಲೊ ಗೊಬ್ಳೊ.
- ವಿಮಲ್ ಹೊಸ್ಪೆಟ್
'ವಿಮಲ್ ಹೊಸ್ಪೆಟ್' ಮ್ಹಳ್ಯಾ ಲಿಖ್ಣೆ ನಾ0ವಾಖಾಲ್ ವ್ಹಳ್ಕೊಚೊಂ ವಿಮಲ್ ಕೆವಿನ್ ಡಿಸೋಜ, ಮೂಡ್‍ಬಿದ್ರಿ ವಾರಡ್ಯಾಚಾ ಹೊಸ್ಪೆಟ್ ಫಿರ್ಗಜೆಚೊ ಏಕ್ ಪ್ರತಿಭಾವಂತ್ ಯುವಕ್. ಆಪ್ಲೆಂ ಎಂ.ಬಿ.ಎ ಶಿಕಾಪ್ ಜೊಡ್ನ್ ಪ್ರಸ್ತುತ್ ಪ್ರಗತಿ ಕೊ-ಒಪರೇಟಿವ್ ಸೊಸೈಟಿ, ಕುಲ್ಶೇಕರ್ ಹಾಂಗಸರ್ ವಾವ್ರ್ ಕರ್ನ್ ಆಸಾ, ತಶೆಂಸ್ ಐ.ಸಿ.ವೈ.ಎಮ್ ಹೊಸ್ಪೆಟ್ ಘಟಕಾಚೊ ಅಧ್ಯಕ್ಷ್ ಜಾವ್ನ್‍ಯಿ ಸೆವಾ ದೀವ್ನ್ ಆಸಾಂ. ನಟನಾಚೆ ದೆಣೆಂ ಅಸ್ಚಾ ತಾಕಾ, ಕವನಾಂ ಬರೊವ್ಚೆಂ ಥಂಯ್ ವಿಶೇಸ್ ಆಸಕ್ತ್.
