News

Nov 17 : ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಕಾಸರಗೋಡು ವಾರಾಡೊ ಯುವ ಸಮಿತಿ ಆನಿಂ ಕಾಸರಗೋಡು ಘಟಕಾಚ್ಯಾ ಜೋಡ್ ಆಶ್ರಯಖಾಲ್ ವಾಲಿಬಾಲ್ ಆನಿಂ ತ್ರೋಬಾಲ್ ಪಂದ್ಯಾಟ್ 28.10.2018 ವೆರ್ ಕಾಸರಗೋಡು ಫಿರ್ಗಜ್ ವಠಾರಾಂತ್ ಚಲ್ಲೆಂ . ಕಾಸರಗೋಡು ಫಿರ್ಗಜೆಚೆಂ ವಿಗಾರ್ ಮಾ|ಬಾ| ಸಂತೋಷ್ ಲೋಬೊ ಹಾಣಿಂ ಪಂದ್ಯಟಾಚೆಂ ಉದ್ಘಾಟನ್ ಕೆಲೆಂ. ಹ್ಯಾ ತ್ರೋಬಾಲ್ ಪಂದ್ಯಾಟಾಂತ್ 9 ಫಿರ್ಗಜೆಚಿಂ 13 ಪಂಗಡ್ ಆನಿಂ ವಾಲಿಬಾಲಾಂತ್ 9 ಫಿರ್ಗಜೆಚಿಂ 15 ಪಂಗ್ಡಾನಿಂ ಭಾಗ್ ಘೆತ್ಲೆಂ. ವಾಲಿಬಾಲಾಂತ್ ಪಯ್ಲೆಂ ಸ್ಥಾನ್ ಬೆಳಾ ಆನಿಂ ದುಸ್ರೆ ಸ್ಥಾನ್ ಮಣಿಯಂಪಾರೆ ಫಿರ್ಗಜೆನ್ ಆಪ್ಣಾಯ್ಲೆಂ. ತ್ರೋಬಾಲ್ ಖೆಳಾಂತ್ ಪಯ್ಲೆಂ ಸ್ಥಾನ್ ವರ್ಕಾಡಿ ಆನಿಂ ದುಸ್ರೆ ಸ್ಥಾನ್ ಮಂಜೇಶ್ವರ್ ಫಿರ್ಗಜೆನ್ ಜೊಡ್ನ್ ಘೆತ್ಲೆಂ.

ಸಾಂಜೆಚ್ಯಾ ಸಮರೋಪ್ ಕಾರ್ಯಾಕ್ ಕಾಸರಗೋಡು ವಾರಾಡ್ಯಾಚೆಂ ವಿಗಾರ್ ವಾರ್ ಭೋವ್ ಮಾ|ಬಾ| ಜೋನ್ ವಾಸ್ ಮುಖೆಲ್ ಸಯ್ರೆಂ ಜಾವ್ನ್ ಹಾಜರ್ ಆಸ್ಲೆಂ. ಹಾಣಿಂ ಖೆಳಾ ದ್ವಾರಿಂ ವಾರಾಡ್ಯಾಚೊ ಎಕ್ವಟ್ ವಾಡೊಂದಿ ಮ್ಹಣುನ್ ಸರ್ವಾಂಕ್ ಬರೆಂ ಮಾಗೊನ್ ಅಭಿನಂದನ್ ಪಾಟಯ್ಲೆಂ. ಐಸಿವೈಯಂ ವಾರಾಡೊ ಉಪಾಧ್ಯಕ್ಷ್ ವಿಜಯ್ ಬೆಳಾನ್ ಸ್ವಾಗತ್ ಕರ್ನ್, ಕಪ್ ಕಾರ್ಯದರ್ಶಿ ಅರುಣ್ ಮಣಿಯಂಪಾರೆನ್ ವಂದಿಲೆಂ. ಫೆವಿನಾ ಪೆರ್ಮುದೆನ್ ಕಾರ್ಯೆಂ ನಿರೂಪಣ್ ಕೆಲೆಂ.