News

Sep 28 : ಸೆಪ್ತೆಂಬರಾಚಾ 9 ತಾರಿಕೆರ್ ಕಾಸರಗೋಡು ವಾರಾಡ್ಯಾ ಮಟ್ಟಾರ್ ಮಂಜೇಶ್ವರ್ ಫಿರ್ಗಜ್ ಸಾಲಾಂತ್ ಯುವ ಸಮವೇಶ್ ಆಸಾ ಕೆಲ್ಲೆಂ. ಉಗ್ತಾವಣ್ ಕಾರ್ಯಕ್ ಮಂಜೇಶ್ವರ್ ಫಿರ್ಗಜ್ ವಿಗಾರ್ ಮಾ.ಬಾ.ವಲೇರಿಯನ್ ಲುವಿಸ್, ವಾರಾಡೊ ಐಸಿವೈಎಂ ದಿರೆಕ್ತೊರ್ ಮಾ.ಬಾ.ವಿಕ್ಟರ್ ಡಿಸೋಜಾ, ಮಂಗ್ಳೂರ್ ದಕ್ಷಿಣ್ ಕನ್ನಡ ಜಿಲ್ಲೆಸೊ ಮಾಜಿ ಶಾಸಕ್ ಶ್ರೀಮಾನ್ ಜೆ.ಆರ್.ಲೋಬೊ, ಕೇಂದ್ರಿಯ್ ಸಮಿತಿಚಿ ಕಾರ್ಯದರ್ಶಿ ಫೆವಿಶಾ ಮೊಂತೆರೋ, ಕೇಂದ್ರಿಯ್ ಸಮಿತಿ ಥಾವ್ನ್ ಕಾಸರಗೋಡು ವಾರಾಡ್ಯಾಕ್ ಪ್ರತಿನಿಧಿ ಜಾವ್ನ್ ವಿಂಚುನ್ ಆಯಿಲ್ಲೊ ಕೇಂದ್ರಿಯ್ ಸಮಿತಿಚೊ ಸಾಂದೊ ನೋಯೆಲ್ ಪೆರ್ಮನ್ನೂರ್, ಮಂಜೇಶ್ವರ್ ಫಿರ್ಗಜೆಚಿ ಉಪಾಧ್ಯಕ್ಷಿಣ್ ಜೀನ್ ಲವೀನಾ, ವಾರಾಡೊ ಅಧ್ಯಕ್ಷ್ ಜೋಯೆಲ್ ಕ್ರಾಸ್ತ ಕುಂಬ್ಳಾ, ಕಾರ್ಯದರ್ಶಿ ವಿನಿತಾ ಡಿಸೋಜಾ ಕೊಲ್ಲಂಗಾನ ಹಾಜರ್ ಆಸ್ಲಿಂ.

ವೆದಿರ್ ಆಸ್ಲ್ಯಾ ಮಾನೆಸ್ತಾನಿಂ ಪ್ರಾಸ್ತಾವಿಕ್ ಉಲವ್ಪ್ ದಿಲೆಂ. ಮಾನೆಸ್ತ್ ರೋಯ್ ಕ್ಯಾಸ್ತೆಲಿನೊ ಹಾಣಿಂ "ಸ್ವ ಉದ್ಯೋಗ್"ವಿಶಿಂ, ತಶೆಂಚ್ ಮಾನೆಸ್ತ್ ಆಲ್ಬನ್ ಮಸ್ಕರೇನಸ್ ಹಾಣಿಂ" ಅಂತರ್ ಜಾತಿ ವಿವಾಹ್" ಮ್ಹಳ್ಳೆಂ ವಿಶಿಂ ಸವಿವರ್ ಮಾಹೆತ್ ದಿಲಿಂ. ಯುವಜಣಾನಿಂ ಖೆಳ್ ಆನಿಂ ಇತರ್ ಚಟುವಟಿಕಾನಿಂ ಸಕ್ರಿಯ್ ರಿತಿನ್ ವಾಂಟೊ ಘೆತ್ಲೊ. ವಾರಾಡ್ಯಾಚಾ 150 ಚಾಕೀ ಚಡಿತ್ ಯುವಜಣಾನಿಂ ಸಮವೇಶಾಂತ್ ಭಾಗ್ ಘೆತ್ಲೊ.